Le cap del Governament andorran, Antoni Martí, e lo comissari europenc als Afars Economics e Monetaris, Olli Rehn, signèron lo 30 de junh un acòrdi monetari que permetrà a l’Andòrra d’emetre d’euròs a partir de 2013 e d’omologar lo sistèma financièr andorran segon la nòrma comunautària.
De mai, Martí s’es entretengut amb lo comissari europenc del Mercat Interior e dels Servicis, Michel Barnier, per definir las basas d’un acòrdi politic servissent a establir una integracion majora de la Principautat d’Andòrra dins lo mercat unic europenc.
Aital, lo pacte amb l’UE dubrirà la via per qu’Andòrra emeta d’euròs a partir de 2013. En principi, Andòrra emetrà environ 2,3 milions d’euròs per an en moneda proprià, que la concepcion foguèt pas encara elaborada.
