Lo 24 de mai, a la Facultat de Baiona, l’Associacion Nacionala de las Vilas e Païses d’Art e d’Istòria e Vilas a salvaguardadas e protegidas en cooperacion amb l’universitat de Pau e del País de l’Ador, organiza d’amassadas sul « Patrimòni e cooperacion transfrontalièra ».

Los territòris an sovent de practicas d’escambis amb los païses frontalièrs mas rarament a l’entorn de las tematicas del patrimòni, del torisme e de l’urbanisme. La credibilitat de l’accion europèa dels Estats depend largament dels progrèsses realizats dins lo desvolopament de las regions transfrontalièras. Constituisson d’autentics laboratòris al nivèl europèu : entre conflictes e competéncias, cossí bastir una politica d’amenatjament cultural a l’escala d’aqueles territòris ? Los territòris frontalièrs pòdon venir de luòcs propicis a la cooperacion, a l’innovacion e al desvolopament economic. Aquelas amassadas prepausan als actors franceses e espanhòls d’escambiar sus las lors practicas, d’evaluar las experimentacions, e d’envisatjar de nòvas estrategias pels ans a venir. La CTP participarà a l’eveniment amb una conferéncia del director de la CTP Xavier Bernard, sul tèma de la politica europèa de coesion : los futurs programas « Devèrs una nòva cooperacion ».