La Conferéncia europèa dels Resals Transfrontalièrs e Interregionals de Vilas Europèas (CECICN) organiza lo 1r Congrès sus la «Collaboracion Intelligenta» (Smart Cooperation), qu’aurà luòc dins la vila de A Coruña en Espanha los 25 e 26 de junh.
Nascuda l’an 2010, la Conferéncia europèa dels Resals Transfrontalièrs e Interregionala de Vilas Europèas (CECICN) es un resal que permet la collaboracion territoriala entre las vilas frontalièras. Amassa sièis resals transfrontalièrs e interregionals que representan mai de 500 vilas situadas dins de territòris frontalièrs europèus, es a dire 37% de la populacion europèa.
Lo CECICN prepara un document estrategic sus «Las vilas e las regions engatjadas dins la collaboracion territoriala europèa: una oportunitat per remontar la crisi.»
Los membres del CECICN i expausan las avantatjas de la collaboracion territoriala pel Desvolopament dels territòris frontalièrs, aital coma los enjòcs e las oportunitats nascudas de la collaboracion. Lo document demòstra egalament, a l’ajuda d’exemples concrèts, lo papièr decisiu de la collaboracion territoriala per realizar los objectius del Mercat Interior e aqueles establits en l’estrategia Euròpa 2020.

Vaquí perqué lo CECICN organiza lo 1er Congrès sus la «Collaboracion Intelligenta». De portada europèa, aquel Congrès amassarà de nauts representants de las institucions Europèas e dels resals que compausan lo CECICN.

Pagina web. Inscripcions aquí.