Lo 9 de mai de 1950, Robert Schuman presentava la siá proposicion relativa a una organizacion d’Euròpa, indispensabla al manteniment de las relacions pacificas. Aquela proposicion, coneguda jol nom de «declaracion Schuman», es considerada coma l’acte de naissença de l’Union europèa.
Uèi, lo 9 de mai, jornada de l’Euròpa, es vengut un simbòl europèu que, al costat de la bandièra, de l’imne, del lèma e de la moneda unica, identifica l’Union Europèa en tant qu’entitat politica. La Jornada d’Euròpa es l’escasença d’activitats e de festivitats que sarran l’Euròpa dels sieus ciutadans e dels sieus pòbles entre eles.
A aquela escasença, trobaretz sus l’ensemble del territòri transfrontalièr Espanha-França-Andòrra d’eveniments dont la tòca es de celebrar Euròpa. Qualques exemples.
Lo govèrn d’Aragon, lo Servici de Fons Europèu e Europe Direct organizan un seminari dobèrt al public sul tèma "La Contribucion del finançament europèu al creissement durable d’Aragon: qualques periòdes de programacion 2007-2013 e 2014-2020". Aquel eveniment se debanarà a 11h dins la sala Jerónimo Zurita, de la bastissa Pignatelli (Pº Mª Agustín nº 36 Saragossa).
Navarra, dins l’encastre de la siá presidéncia de la CTP, celebrarà la collaboracion sul nòstre territòri en centrant las festivitats sus la CTP, coma estructura qu’encarna l’esperit europèu. Aital, Pamplona aculhirà un mercat artesanal en tot amassar d’artesans procedents de l’ensemble dels territòris que compausan la CTP del 9 al 12 de mai. La CTP i serà presenta amb un stand que presentarà la CTP e l’ensemble dels territòris.
Costat nòrd, Midi-Pyrénées celèbra Euròpa pendent tot lo mes de mai, amb lo "joli mois de l’Europe" e n’i a per totes los gostes: de passejadas en bicicleta, d’espectacles, de cafès-debat, de concèrts, d’exposicions, de degustacions, de vilatges europèus… Organizadas per de nombroses sòcis associatius e institucionals. Descobrissètz lo programa sus http://www.europe-en-midipyrenees.eu/le-joli-mois/
Per çò qu’es d’Aquitània, lo Conselh regional d’Aquitània organiza el meteis 5 eveniments:
– Dimècres 9 de mai – Serada a l`hôtel de région, de 19h a 21h : Los liceans refàn l’Euròpa
– Dijòus 10 de mai e divendres 11 de mai – Bordèu, Agen e Baiona : Al rencontre del Burèu Aquitània Euròpa
– Dimenge 13 de mai – Cais de Bordèu, en fàcia de la plaça de Quinconces Participacion al vilatge d’Euròpa de la MEBA
– Del 16 al 30 de mai – Hall de l’hôtel de région Exposicion "Euròpa, ont tot a començat… de Robert Schuman als nòstres jorns: 60 ans de realizacions concrètas" e Exposicion « Tatiana & Dirk etap(p)e / 5 » mesa a disposicion per la Representacion en França de la Comission europèa.
– Dijòus 24 de mai – Hôtel de région, de 18h a 20h30 Euròpa e los Europèus a travèrs de la premsa. Debat en cooperacion amb lo Movement europèu France Gironde e lo club de la premsa de Bordèu.

E, en partenariat amb los 15 membres del resal Euròpa, mai de 60 eveniments se son organizats dins tota la region Aquitània del 1r al 31 de mai per descobrir totas las facetas d’Euròpa. Collectivitats localas, escòlas, licèus, organismes de formacion, associacions, centres culturals, cinèmas, estructuras economicas (coma l’incubator regional), missions localas, ponches e burèus Informacion Joenessa… tot lo mond parla d’Euròpa… Mai d’informacions sus http://jolimoiseurope.aquitaine.eu

Trobatz totes los programas suls sits institucionals dels vòstres territòris.