La CTP, menant a tèrme son trabalh coma Autoritat de Gestion del Programa de Cooperacion Territoriala Espanha-França-Andòrra, presentèt davant mai de 200 interessats las oportunitats qu’ofrirà lo periòde 2014-2020.
Dins l’encastre de son XXXII Conselh Plenari, la còla de la Comunautat de Trabalh dels Pirenèus presentèt la proposicion del POCTEFA pel periòde 2014-2020. Lo POCTEFA es un programa europèu qu’ofrís sostén financièr a projèctes de cooperacion territoriala entre Espanha, França e Andòrra e los fons dels quals gerís la CTP dempuèi l’an 2007.
Tal e coma anoncièron los intervenents, lo POCTEFA 2014-2020 se materializarà en 189,3 milions d’euros del Fons Europèu de Desvolopament Regional (FEDER) e ofrirà de nòvas oportunitats de cooperacion entre institucions e actors dels dos costats dels Pirenèus.
La comunicacion ‘Proposicion POCTEFA 2014-2020: novèlas oportunitats de cooperacion’, serviguèt per explicar a aqueles actors las tòcas tematicas e las prioritats d’inversion en torni que se articulará l’estrategia del futur Programa un còp siá a aprovat per la Comission Europèa. Aquela estrategia se desvoloparà a l’entorn de cinc axes:
• Axe 1: Dinamizar l’innovacion e la competitivitat.
• Axe 2: Promòure l’adaptacion al cambiament climatic e la prevencion e gestion de risques.
• Axe 3: Promòure la proteccion, la valorización e l’emplec sostenible de las ressorgas localas.
• Axe 4: Favorir la mobilitat de bens e personas.
• Axe 5: Afortir las competéncias e l’inclusion dins los territòris.
152 projèctes en sièis ans
Abans de presentar las linhas del futur Programa, los actors del POCTEFA faguèron un pichon resumit de çò qu’a significat lo POCTEFA 2007-2013 pel territòri transfrontalièr. 152 projèctes empreses gràcias als 168 milions d’euros que se dotèt a aquel esplech europèu de cooperacion. Lo periòde 2014-2020 comptarà amb un 12% mai de budget.
Joscarga aicí la presentacion del STC subre lo POCTEFA 2014-2020.
