La primièra crida de projèctes del Programa INTERREG V-A Espanha-França-Andòrra (POCTEFA) 2014-2020 s’es tancada amb 122 projèctes presentats que sollicitan un total de 151 milions d’euros FEDER
La seleccion dels projèctes que seran programats la realizarà lo Comitat de Programacion format per representants de las autoritats publicas que participan dins lo Programa. Se prevei qu’aquela decision siá adoptada dins la prima de 2016.
Lo POCTEFA 2014-2020 a coma tòca lo desvolopament sostenible del territòri frontalièr entre Espanha, França e Andòrra. Lo Programa es sostengut per l’Union Europèa e compta amb un budget de 189,3 milions d’euros que correspóndon al Fons Europèu de Desvolopament Regional (FEDER).
Lo montant de l’ajuda FEDER disponible per aquela crida de projèctes es de 71,2 milions d’euros (40% del budget total del Programa exclusa l’Assisténcia Tecnica). Los fons europèus sosténon lo 65% del còst total dels projèctes aprovats coma establís lo Programa.
Cal que los projèctes complíscan una seria de critèris per ser admesses e optar a èsser programats: cal presentar tota la documentacion requerida dins la candidatura, aver sòcis d’al mens dos dels tres países que participan dins lo Programa e èsser pas sostengut per autres programas comunitaris, entre d’autras condicions.
Entre las iniciativas recebudas i a projèctes de cooperacion transfrontalièra relacionats amb l’encastre del torisme, la C+D, l’adaptacion al cambiament climatic, la promocion de l’activitat agrària o lo desvolopament de l’energia sostenibla.
Per conéisser totes los detalhs del Programa pòts consultar la pagina web www.poctefa.eu.
