Concrètament, lo projècte Irati a un budget total de 3.859.540 €, que 65 % (2.508.701 €) son eissuts dels fonses europèus FEDER, dins l’encastre del Programa de Cooperacion Territoriala l’Espanha – la França – l’Andòrra (POCTEFA). Lo projècte, dins sa globalitat compren 8 aisses de trabalh : crear las infrastructuras (la renovacion dels Ostals d’Irati e lo centre d’animacion e d’activitats Valada de Salazar, las melhoranças dels Chalets d’Irati e la construccion de l’una un auditòri en Sola, lo ret de dralhas …), desvolopar de planhs de gestion, crear un produch toristic, articular un planh d’usatge public, formar las personas que intervenon, dinamisar lo territòri, difusar lo projècte e efectuar un seguit.
La renovacion de l’ostal dels gardas
Eveniment del 27 de julh a Irati a permes als participants de visitar la partida navaresa del projècte e aital, de vèser los dos edificis datant del sègle XIX en cors de renovacion. A l’epòca, èran los ostals dels gardas mas an estats tampats pendent 40 ans.
Dins l’Ostal dels Gardas serà dubert lo punt d’atencion toristic sus la Forèst d’Irati. Trobarem tanben lo magasin de locacion de material de montanha aital coma un bar-restaurant ont los visitors auràn tanben la possibilitat de crompar d’objèctes promocionals e dels produches regionals. La sobra de l’ostal serà consacrada a une aira d’exposicion, a une sala d’assembladas e de reünions.
Fòrça pròche, l’Ostal d’Estable permetrà, dins unas ocasions, d’auberjar d’autras activitats coma l’acuèlh dels groups o servirà de refugi en cas d’imprevists meteorologics.
Fin, lo projècte prevei tanben l’agrandiment de la zòna d’estacionament (per de veituras e autobúses) e la melhorança de las sinhalisacions, d’accès, d’airas de recreacion, etc..