Per melhor prene en compte lo desvolopament durable dins los projèctes sostenguts pel programa FEDER 2007-2013, 130 projèctes de mai de 2 M€ d’investiment se son beneficiats d’un « diagnostic de desvolopament durable ». Aquela experimentacion innovanta, menada dempuèi 2007 per l’Estat e la Region Aquitània, a donat luòc a un rapòrt complet e una sintèsi « Retorns d’experiéncia de 130 grands projèctes aquitans » en detalhant per grand sector d’activitat las bonas practicas senhalizadas e las principalas recomandacions.
En efièch, en Aquitània las ajudas destinadas als projèctes d’un còst de mai de 2M€
que sollicitan lo sosten del FEDER (Fonze Europèu de Desvolopament Regional) son estadas condicionads a la realizacion d’un « diagnostic de desvolopament durable », via una autoevaluacion coordonada per un prestataire en associant las desparièras partidas prenantas del projècte. Aital, mai de 130 projèctes, qu’implican 600 participants en 7 sectors d’activitat e en representant mai d’1 miliard d’èuros d’investiments, son ja beneficiats d’aquel diagnostic.
A l’ocasion d’un balanç d’estapa d’aquela demarcha, una publicacion es estada realizada en recensant mai de 2000 iniciativas integrant las tres dimensions del desvolopament durable : economicas, socialas e environamentalas.
Trobatz sul sit d’Euròpa en Aquitània aicí ( http://www.europe-en-aquitaine.eu/criteres-de-developpement-durable-dans-le-cadre-de-la-mise-en-oeuvre-des-fonds-europeens ) lo balanç de 130 diagnostics de desvolopament durable, la sintèsi e lo poster de bonas practicas.
