L’Observatòri Pirenenc del Cambiament Climatic (OPCC) a recebut 38 proposicions dins l’encastre de la crida d’idéas lançada per la Comunautat de Trabalh dels Pirenèus (CTP) pel desvolopament del plan d’accion 2014-2020 de l’Observatòri. Las idéas son relacionadas amb l’adaptacion al cambiament climatic, l’analisi de sos impactes e la vulnerabilitat del territòri davant d’aquel fenomèn.
Los responsables de las proposicions causidas participaran dins lo desvolopament d’un o divèrses projèctes de cooperacion transfrontalièra en collaboracion amb l’OPCC e cosostenguts per de fons europèus.
Las idèas son estadas prepausadas per 33 entitats e actors (cercaires, associacions, centres scientifics o consultants) establits en Espanha, França e Andòrra qu’acampan un total de 219 sòcis possibles.
Un còp acabat lo periòde de recepcion d’idèas s’es iniciada la fasa d’avaloracion de las propòstas, que se perlongarà fins a la debuta de setembre. Es previst un rescontre presencial amb los responsables de las idèas preseleccionadas pendent las jornadas del 14 e 15 de setembre.
