Aqueste estiu es estat un estiu un chic especial per ieu. En julhet passat intrèri dins la Direccion del Consòrci de la Comunautat de Trabalh dels Pirenèus (CTP). La vision qu’aviái de la CTP èra una vision pus lèu territoriala (mai de 200,000 km2 compausats per las 4 comunautats autonòmas espanhòlas, 3 regions francesas e Andòrra que partejan lo Massís Pirenenc). Tres meses après, aquela vision a cambiat. Vesi ara la CTP amb un vejaire mai uman. Una granda familha de mai de 15 milions d’abitants que coopèran entre eles, que se coneisson, que trabalhan amassa, qu’escàmbian, qu’aprenon los unes dels autres … pel desvolopament d’aquel territòri transfrontalièr e mai que mai per melhorar cada jorn lor qualitat de vida.

Pendent mai de 30 ans la linha de trabalh de la CTP es estada la de fomentar aquel esperit de cooperacion entre las personas en estompant las frontièras administrativas amb la volontat de connectar tant lo territòri coma las personas que l’abitan.

En 2007 se reafirma aquela conviccion, quand la Comission Europèa nos confirma coma Autoritat de Gestion del POCTEFA 2007/2013. Un Programa Operatiu integrat per 133 projèctes e amb un investiment global de 255 milions d’èuros.

Es volontat de la CTP se tornar presentar per gerir los fonzes FEDER POCTEFA 2014-2020 e seguir de realizar d’accions comunas en matèria de transpòrts e de vias de comunicacion; agricultura, economia forestala e de montanha; patrimòni cultural e promocion del torisme; problèmas energetics, proteccion dels recorses naturals e de l’environament; cambiament climatic, formacion e innovacion…

Amb aqueste editorial m’agradariá vos transmetre a tota la miá illusion pel trabalh que m’es estat comandat e l’oportunitat qu’avèm al davant per desvolopar, melhorar, enriquir e partejar los nòstres aimats Pirenèus a travèrs d’aquel esplech qu’es la CTP e la cooperacion transfrontalièra.

Cristina Prat, directora del Consòrci de la
Comunautat de trabalh dels Pirenèus