L’estudi permet d’analisar las vulnerabilitats del territòri pirenenc davant lo cambiament climatic e conéisser las iniciativas d’adaptacion desvolopadas dins lo Pirenèu e en d’autres espacis de montanha. Una guida destinada als actors pirenencs amassa de manièra sintetica las recomandacions per cada sector mes en examen.
Lo seminari de presentacion de l’estudi comptèt amb la preséncia Jean-Louis Etienne, President del Conselh Scientific de l’OPCC. Segon Jean-Louis Etienne lo calfament global es vengut una “malautiá cronica de la Tèrra” qu’a de besonh de mesuras a long tèrme”. E segon lo mètge e explorator francés los Pirenèus, gràcias a l’OPCC, comptan amb un avantatge per rapòrt a d’autras zònas de montanha en dispausar d’un utís de cooperacion interregional e transfrontalièr que li permet d’abordar aquela question d’un biais integral, en contribuissent a redusir los impactes advèrses del cambiament climatic e en aumentant la visibilitat dels Pirenèus a nivèl internacional.
Per mai d’informacions sus aquel tèma e per descargar las presentacions del seminari, consultatz lo sit web de l’OPCC.
Rendètz-vos venent: lo 6 de novembre 2013 l’OPCC organiza a Pamplona lo Collòqui Internacional sus cambiament climatic en zònas de montanha. Lèu trobaretz totas las informacions sul sit de l’OPCC.
Jean-Louis Etienne. Fòto: OPCC Seminari. Toulouse. Fòto: OPCC