Lo 23 d’octòbre darrièr, la Convencion dels Carpats (http://www.carpathianconvention.org/) organizèt un collòqui sus las estrategias d’adaptacion al cambiament climatic dins zòna de montanha. L’OPCC a travèrs de la preséncia de sénher Carles MIQUEL, cap de l’unitat d’aiga e cambiament climatic del ministèri de Torisme e Environament del Govèrn d’Andòrra, correspondent “cambiament climatic” d’Andòrra dins l’OPCC, participèt a un grop de trabalh qu’aviá la tòca de partejar, entre d’actors de las regions de montanha, las experiéncias d’adaptacion al cambiament climatic.
Sénher MIQUEL a sustot presentat las accions engatjadas per l’Observatòri per sosténer l’elaboracion d’una estrategia d’adaptacion al cambiament climatic dins los Pirenèus.
Lo Talhièr comptèt amb la participacion de representantas d’organizacions e d’institucions dels massius montanhoses dels Aups, dels Carpats, dels Pirenèus, dels Balcans, del Caucàs e del massiu centreasiatic, çò qu’a fach que l’amassada siá unica pel nombre e la diversitat dels massius representats.
Per ne saber mai sul Talhièr clicatz aicí
L’OPCC a ja publicat un primièr estudi Adaptacion a descargar aicí
I trobaretz de primièrs elements sus las questions de l’adaptacion al cambiament climatic dins los Pirenèus dins lo libret “Lo climat càmbia, los Pirenèus s’adaptan. Estudi Adaptacion 2011-2012 – Fasa I” a descargar aicí
Lèu, los conclusions de l’estudi d’adaptacion seràn publicats e se poiràn descargar del sit de l’OPCC.
Per ne saber mai sus l’Observatòri pirenenc del cambiament climatic, anatz sul sit de l’OPCC http://www.opcc-ctp.org
