Lo diluns 30 de genièr 2012 a Bardonescha (Itàlia), la comuna de Bardonescha, lo Resal «Alliance dans les Alpes» França e Itàlia, las associacions ADRETS, Dislivelli e la CIPRA organizèron un seminari franco-italian «Servicis a la populacion en montanha». Aquel seminari es lo resultat d’un projècte qu’a per tòca de comparar las bonas practicas (dels dos costats de la frontièra) en matèria de servicis a la populacion e d’identificar los potencials de transferabilitat.
En efièch, jos l’impulsion de l’ADRETS (Associacion pel Desvolopament en REsal dels Territòris e dels Servicis) e del Resal de comunas "Alliance dans les Alpes", un projècte d’escambis de bonas practicas entre de comunas francesas e italianas es nascut sus la problematica dels servicis a la populacion dins los territòris rurals. Lo projècte SERPOM (SERvicis a la POpulacion en Montanha) a aital vist lo jorn entre de membres franceses e italians del resal de comunas, mercés egalament a la cooperacion establida entre l’associacion italiana Dislivelli e l’animador italian d’"Alliance dans les Alpes". La tòca d’aqueste projècte es l’escambi e la capitalizacion d’experiéncias franco-italianas sul desvolopament e lo manten dels servicis publics en ligam amb las intervencions de desvolopament durable.
Lo projècte SERPOM s’es declinat en tres fasas:
• una primièra estapa de recaptason e de capitalizacion d’experiéncias
• un viatge d’estudi a començament de setembre 2011 qu’a permés de presentar las realizacions francesas (Cairàs, Ecrinhs, Oesen) als vesins italias
• un seminari de restitucion a Bardonescha que se debanèt lo 30 de genièr darrièr.
Per ne saber mai http://adrets-asso.fr
