Lo 13 de novembre, la Comunitat de Trabalh dels Pirenèus (CTP) e lo Govèrn d’Aragon celebrèron en Saragossa lo XXXVI Conselh Plenari de la CTP.
En aquesta edicion se presentèt e signèt l’Estrategia Pirenenca, plan d’accion de la CTP qu’establís las prioritats de desvolopament dels Pirenèus per contribuir al melhorament de la vida dels sieus estatjants pendent los 7 ans venents. L’Estrategia Pirenenca, que se desvoloparà dempuèi 2018 e fins 2024, es fruch d’un trabalh de collaboracion entre los membres de la CTP e los agents del territòri.
En mai, s’expausèron las conclusions dels seminaris qu’aguèron luòc lo jorn anterior a prepaus de subjèctes d’especial interès pel territòri pirenenc: lo cambiament climatic e la proteccion civila davant los risques naturals.
Après l’intervencion dels representants de las regions de la CTP a prepaus del futur de la CTP, se procediguèt a la signatura de la Declaracion comuna de presidents dels territòris membres, que pòt legir aicí.
L’enregistrament del Conselh Plenari de la CTP se pòt veire aicí. Las fotografias de l’eveniment son disponiblas aicí.
