TV3 a consacrat un reportatge documentari a l’Espital Transfrontalièr de Cerdanha, un espital qu’escafa las frontièras e que nasquèt coma un projècte POCTEFA.
Lo reportatge mòstra las escomesas que l’espital deu confrontar dempuèi la siá naissença pel fach d’èsser lo primièr espital transfrontalièr d’Euròpa mas tanben los problèmas actuals en causa del COVID-19. La pandemia a metut en evidéncia lo besonh de la cooperacion transfrontalièra per respondre a problèmas globals de santat coma aqueste que sèm a viure actualament.
Lo bastiment de l’Espital foguèt aviat en 2008 pel projècte europèu POCTEFA HTC amb un còst total de 31 milions d’èuros.
L’Espital contunha de participar en las accions e projèctes que promòvon la cooperacion sense frontièras dins l’encastre de la santat coma per exemple lo projècte pilòt b-solutions “Quora las urgéncias medicalas escafan las frontièras” qu’es estat liderat per la CTP. Aqueste projècte cerca minimizar los obstacles administratius actuals e permetre l’intervencion sanitària d’urgéncia transfrontalièra.
