En junh de 2020, abans la situacion provocada per la pandemia deu COVID-19, la presidéncia de la CTP qu’aviè l’iniciativa « Preparacion entà la recuperacion socioeconomica deus territòris de la CTP ».
Los efèits de la pandemia qu’obligan a ua adaptacion de l’activitat de la CTP entà har cap amassa aus desfís sanitaris, economics e sociosanitaris generats dab la cooperacion transfrontarèra e los territòris de montanha. Atau, que’s constituí lo grop de tribalh COVID-19 e que s’i impulsè l’elaboracion d’un questionari dab lo quau cadun deus territòris identifiquè empachs e bonas practicas en la cooperacion transfrontarèra deus Pirinèus.
Las resultas màgers qu’estón :
- Lutar contra lo cambiament climatic com element transversau e necessari en lo Plan de recuperacion socioeconomica de la zòna pirenenca.
- Har sautar los empachs a la cooperacion transfrontarèra entà impulsar un modèle de promocion e d’atractivitat deu territòri.
- Interconnectar lo territòri transfrontarèr e har deus Pirinèus un espaci accessible aus sons ciutadans.
- La frontèra com espaci de convivéncia e gestion eficienta : facilitar la coordinacion e impulsar lo ròtle de las entitats territoriaus en la governança transfrontarèra.
Aqueras resultas que serviràn entà projectar, a partir de la situacion actuau, scenaris e proposicions d’accions mixtas a tèrmi mejan e long dens l’encastre de l’Estrategia Pirenenca 2018- 2024, adoptada peu Conselh Plenèr de la CTP en noveme de 2018.
La CTP, dab la soa dobla condicion de territòri transfrontarèr e de montanha, que necessita un modèle de recuperacion en lo quau lo benestar dus ciutadans e la valorizacion de las caracteristicas sociaus, culturaus, lingüisticas e economicas distinctas deu vesin, e’s converteishen en hont d’ahida mutuau, un exigencia purmèra entà l’escaduda de quina que sia la cooperacion transfrontarèra.
Telecargatz aquí lo document:
