Nòva Aquitània
Continentala al levant, oceanica al ponent, frontalièra al miègjorn, la region Nòva Aquitània, pòrta d’Espanha, s’obrís sul monde tot en li ofrissent mantunes visatges amb la Charanta oceanica, los platèls del Lemosin, lo Pèiregòrd bosquetièr, lo Bordelés viticòla, l’Agenés ortalièr, las Lanas forestièras, lo País basco montanhós e l’interior de las terras ont convivon castèls, batidas e ciutats medievalas.
Mai granda region de França, la Nòva Aquitània dardalha mercés a sas complementaritats industrialas (aeronautica, laser, mestièrs del cuèr e del luxe, eco-industrias, agroalimentari, santat…) e gaudís d’un potencial toristic important a travèrs sos nombroses sites classats al patrimòni mondial de l’UNESCO e sos sites naturals remarcables.
La region tanben saupèt cultivar sas tradicions (rugbi, surf, pesca esportiva, pelòta basca, lengas regionalas), son patrimòni arquitectural, istoric e gastronomic (vins, fètge gras, trufas, micas de Corresa e tortèls formatgièrs) e gausís d’una tradicion intellectuala, filosofica e literària fòrça rica, mercés mai que mai a Montaigne, Montesquieu e Mauriac.
Un territòri obèrt à l’Euròpa
La Region Nòva Aquitània s’inscrís dins nombroses espacis e programas europèus per trobar de solucions comunas a las problematicas transfrontalièras.
Fòrça activa dins l’espaci pirenenc, jòga un ròtle primordial dins la Comunautat de Trabalh dels Pirenèus, dins de domenis clars coma l’environament, los transpòrts, la formacion, la recèrca e l’innovacion.
La Nòva Aquitània es notadament fòrça de proposicions per la gestion dels fonds europèus dins lo quadre del programa de cooperacion territoriala europèa Espanha-França-Andòrra (POCTEFA). Per aqueste programa, exercís lo ròtle d’autoritat nacionala en assegurant mai que mai un sosten juridic a l’autoritat de gestion qu’es la CTP.
Mai larjament, creèt en 2011 una Euroregion venguda en 2017 l’Euroregion Nòva Aquitània – Bascoat – Navarra. Aqueste Gropament europèu de cooperacion territoriala constituís un espaci vertadièr de cooperacion enfortida per tornar lo territòri durable, la mobilitat transfrontalièra mai aisida e favorisar una economia de la coneissença e una ciutadanetat euroregionala.
D’un autre costat, anima una cooperacion bilaterala amb l’Aragon dempuèi 2001 per favorisar la cooperacion en matèria de desvolopament durable e de cultura.
Dins lo quadre de la nòva Estrategia pirenenca 2018-2024, pilotada per la CTP, la Nòva Aquitània participa a l’organizacion de projèctes que respondan a sas tòcas.
Donadas
Susfàcia (en km) | 84 100 km² |
Populacion | 5,8 millions d’abitants |
Densitat de la populacion | 70 (habitants/km²) |
Capitala administrativa | Bordèu |
Kms de còsta | 720 km de litoral |
Departements | 12 (Dordonha, Gironda, Lanas, Òlt e Garona, Pirenèus Atlantics, Charanta, Charanta Maritima, Doas Sèvras, Vinhana, Cruesa, Corresa, Nauta Vinhana) |
Lengas | Francés, basco, occitan e peitavin-santongés |
Contacte
Nom del president: Alain Rousset
Hôtel de Région 14, Rue François de Sourdis 33 077 Bordeaux cedex
https://www.nouvelle-aquitaine.fr
+330557578000
contact(@)nouvelle-aquitaine.fr