Comunautat Forala de Navarra
La Comunautat Forala de Navarra se situa dins lo nòrd d’Espanha, dins l’extremitat occidentala dels Pirenèus, ont manten 163 quilomètres de frontièra amb la França. A una extension de 10.391,08 quilomètres carrats e la costejan Aragon, La Rioja e Bascoat.
Concentra una bèla varietat geomorfologica, bioclimatica e umana: dempuèi las nautas montanhas pirenencas e los bòsques fulhoses del nòrd, fins al paisatge desertic de las Bardenas Reales dins lo sud.
Lo 1èr genièr de 2019, sa populacion es de 653.846 abitants dont 199.066 se concentran dins sa capitala, Pamplona/Iruña.
Navarra foguèt un Reialme independent per gaireben mila ans, çò que li permet de mantener a l’ora d’ara una part de sas leis e dreches, dont l’autogovèrn en matèria fiscala e economica.
Tot ben que siá una pichona region d’Espanha, còmpta sus una de las economias mai desvolopadas del país e amb las melhoras chifras de riquesa, accès a servicis e qualitat de vida. Sa tassa regionala de caumatge, 8,9%, es la mai bassa del país e son revengut per abitant es lo tresen mai naut.
Un territòri obèrt a l’Euròpa
Navarra es la pòrta de dintrada de las doas vias del Camin de Sant Jaume francés, çò que daissèt una marca indobtabla dins las costumas, lo patrimòni artistic e l’obertura de la Comunautat al monde.
La societat de Navarra pòrta una clara vocacion europeista, pr’mor que l’Union Europèa representa de valors que la Comunautat Forala s’i identifica: libertat, democracia, egalitat, estat de drech, toleráncia, progrès e respècte als dreches umans. Far partida de l’Union Europèa foguèt un factor de desvolopament e coesion sociala per Navarra qu’es presenta dins d’organismes de cooperacion amb d’autras regions d’Euròpa que compartisson interèsses e responsabitats en politicas de desvolopament comun.
Dins aqueste quadre, Navarra fa partida de la Comunautat de Trabalh dels Pirenèus dempuèi sa creacion en 1983 e foguèt promotritz d’accions orientadas cap a l’afortissament de l’integracion transfrontalièra, l’encoratjament a d’escambis, l’identificacion de problèmas comuns e la recèrca de solucions partejadas.
Segurament, aquestas estrategias d’ensems aumentèron l’eficacia de las politicas economicas, socialas e environementalas dels dos costats dels Pirenèus.
Uèi, quand l’Euròpa viu moments claus en vista d’escomesas coma lo « brexit », la crisi migratòria, lo fanatisme politic e causas aital, es mai necite que jamai tornar soslinhar la vocacion europeista de Navarra.
Donadas
Susfàcia (en km) | 10.421 km² |
Susfàcia de montanhas pirenencas (en km²) | 40,62% de la susfàcia de Navarra se tròba al dessús de l’isoipsa 600. Los Pirinèus orientals an 2.000 km² |
Populacion | 653.846 abitants (1 de genièr de 2019) |
Densitat de la populacion | 62,3 ab/km² |
Capitala | Pamplona-Iruña (199.066 abitants) |
Kms de frontièra ES-FR-AND | 163 km de frontièra amb la França |
Kms de còsta | Pas cap |
Províncias / Departaments | Uniprovincial |
Lengas | Castelhan e basco |
Contacte
Nom de la presidenta: María Chivite Navascués
Avda. de Carlos III 2, 1º, 31002 PAMPLONA
http://www.navarra.es
+34848427011
presidenta(@)navarra.es
Otras redes sociales
Organigrama y datos de contacto