Sètz aicí: Qu'es la CTP? : Retorn

Qu'es la CTP?

Qu'es la CTP? Qual es son ròtle ? Quora e perqué es estada fondada?
Descobrissètz dins aquesta seccion totas las chifras e datas clau de la CTP atal coma sas missions e sos objectius.

Somari:

La CTP en qualques mots
Qualques datas clau
Lo ròtle de la CTP
Lo consòrci de la CTP
Zoom sul sèti istoric de la CTP

 

La Comunautat de Trabalh dels Pirenèus es nascuda en 1983 jos l’empencha del Conselh d’Europa la volontat del qual èra crear als Pirenèus una estructura de cooperacion transfrontaliera semblaria a las que eissistisson al nivèl d’autras termièras europencas.
En 2005, la CTP se dota d’un Consòrci, entitat juridica de drech public espanhòl, que li dona un novèl vam d’intervencion en particular en favor del geriment de fons e de programas europencs
.

 

 La CTP en qualques mo
Data de creacion: 15 d’abrial de 1983
Sòcis:

  • las 2 regions francesas: Nouvelle-Aquitaine e Occitanie
  • las 4 Comunautats Autonòmas espanhòlas: Catalonha, Aragon, Navarra, Euskadi
  • lo Principat d’Andòrra

 Consultatz los sòcis de la CTP

 

Superficia: 254.680 km2, 5,7% de l’Union Europenca (28 sòcis)
Poblason (2016-2017): 23.343.754 habitants, 4,6% de l’Union Europenca (dels 28).
Sectors clau: tecnologia de poncha, industria metalurgica, agroalimentària, torisme e importants centres universitaris comptant entre los mai vièlhs d’Europa.
 


 Qualques datas clau
1980: Convencion Cadre Europenca subre cooperacion transfrontaliera de las collectivitats territorialas
1982: Conferença de regions pirenencas organisada pel Conselh d’Europa
1983: Signatura del Protocòl d’Acòrdi Constitutiu de la CTP (Bordèu)
1993: Creacion d’una associacion per la CTP
2005: Creacion del Consòrci de la CTP


 Lo ròtle de la CTP
L'associacion CTP

La CTP a coma principal objectiu de contribuir al desvolopament del massís pirenenc assegurant la presa en compte dels enjòcs e la preservacion de sas riquesas. Per aquò, s’implica fortament en favor de la cooperacion transfrontaliera.
 

 Los objectius

  • favorejar los escambis entre los territòris e los actors del massís pirenenc,
  • abordar amassa las problematicas ligadas al massís,
     
  • cercar de solucions conjuntament facia als enjòcs identificats,
  • engatjar d’accions partejadas e estructurantas de portada transfrontaliera


Las accions

En rason de la particularitat de sa situacion geografica e politica (un territòrti bastit a l’entorn del massís dels Pirenèus e a caval sus 3 estats), la CTP deu integrar diferentas legislacions e actors multiples (estats, collectivitats localas francesas e comunautats autonòmas).
Aquesta especificat dona una dimension particulara a las problematicas d’amenatjament rescontradas sul territòri siá en tèrme d’urbanisacion, de desvolopament rural, de transpòrts e de preservacion de l’environament.
D’un autre costat, es confrontada a dificultats geograficas e environamentalas ligadas al massís.
Dins aqueste contèste, la CTP a per objectius èstre un luòc d’escambis e una força de prepausicions
.

Luòc d’escambis, per tal de resòlver amassa problèmas partejats, en matèria de transpòrts, de formacion, de cèrca, de patrimòni, de desvolopament sostenible...
Per aquò, los sòcis de la CTP trabalhan dins las comissions tematicas que lor perméton de créisser lors esperienças e de far emergir de solucions innovantas.

Força de prepausicions
, s’apojant suls trabalhs d’aquestas comissions per pesar dins los debats nacionals e europencs per tal de:

  • melhorar la qualitat de vida dels ciutadans melhorant l’ofèrta de transpòrt
  • afortir l’integracion transfrontaliera
  • desvolopar las complementarietats en matèria economica per las entrepresas e los joves en formacion
  • constituir una zòna d’escambi al Sud d’Euròpa
  • privilegiar l’innovacion, la cèrca e la cooperacion inter-universitaria
  • valorisar lo territòri, mai que mai son patrimòni cultural, natural e desvolopar un torisme sostenible

 

 Lo Consòrci de la CTP
Per tal de donar una novèla empencha a la CTP, los sòcis signèron en 2005 una Convencion interadministrativa de Cooperaccion Transfrontaliera per tal de crear lo Consòrci de la CTP.

Mercés a sa personalitat juridica, lo Consòrci pòt eisercir de competenças e responsabilitats ligadas a son estatut (gerir finançaments e programas europencs, organisar projèctes comuns).

La Comunautat de Trabalh dels Pirinèus es autoritat de gestion del programa europèu Interreg V-A Espanha-França-Andòrra (POCTEFA 2014-2020), coma ja o foguèt del POCTEFA 2007-2013.

 

Sèti istoric de la CTP
Al bel mièg de Jaca (Aragon), sus la plaça del Marquès de la Cadena, i a un bastiment gotic, nomenat oficialament “Torre del Relòtge” e conegut popularament coma “Torre de la Preson”.
D’efièch, apuèi l’aver crompat par lo Conselh de Jaca en 1599 per plaçar lo relòtge que ritmava la vida de la vila, la torre foguèt transformada en preson en 1602.
Supèrb testimòni del gotic civil, dempuèi lo 29 d’abrial de 1987 es lo sèti oficial de la CTP
.

 

Telecargar los Estatuts del consòrci de la CTP 

Motor de cèrca

Réchercher







POCTEFA: www.poctefa.eu

POCTEFA: www.poctefa.eu