Sètz aicí: Prèmi dels Pirinèus : Retorn

Prèmi dels Pirinèus

Lo Prèmi de la CTP foguèt creat en 2009 per encoratjar las iniciativas de cooperacion transfrontalièra a l’escala del territòri de la CTP.

Aqueste concors annual se compausa de 2 partidas qu’an per amira de sostenir, encoratjar e valorizar las iniciativas exemplaras de cooperacion transfrontalièras menadas pels actors del territòri transpirenenc.

Prèmi de la CTP “Joventut” 2013

Se sètz un establiment de l’ensanhament segondari o de la formacion professionala, una associacion, un centre cultural, ostal de joves… del territòri de la CTP e que menatz d’accions transfrontalièras en favor de la joventut, lo volet "Joventut" del Prèmi de la CTP vos espera ...  Benlèu auretz l’astre de remportar la dotacion de 10 000 € que visa a sosténer la mesa en òbra de vòstre projècte !

Modalitats de participacion

Quora ?
Lo concors es dubèrt del 10 de mai de 2013 al 30 de agost de 2013.

Cossí ?
Telecargar lo règlament et lo dorsièr de candidatura.


 Prèmi de la CTP “Actors dinamics" 2013
 

Modalitats de participacion

Per tal de reafirmar lor engatjament a favor de la cooperacion transfrontaliera, los sòcis de la CTP an desirat encoratjar las iniciativas de cooperacion que contribuisson al desvolopament, a la reconeissença o al valorejament de lors territòris per la creación d’un prèmi que valorege los actors dinamics e misa sus l’avenidor de lors projèctes.

Qui i pòt participar ?
Tota persona fisica o morala, publica o privada, acasada sul territòri de la Comunautat de Trabalh dels Pirinèus, l’activitat de la qual, l’engatjament e l’obra creatritz an una vertadièra resclantida pel desvolopament, la reconeissença o lo valorejament dels Pirenèus e de los territòris que compausan la CTP.

Quora ?
Lo concors es dubèrt del 10 de mai de 2013 al 30 de agost de 2013.

Cossí ?
Joscargar lo reglament e lo dorsièr de candidatura.


                                                                          _________________________________________

Prèmis de la CTP “Joventut"


Premi 2013

Lo Prèmi Joventut de la CTP foguèt per al projècte “Los mestièrs de las estacions transpirenencas”, un projècte de cooperació transfrontalièra dins la zòna dels Pirenèus per l’integracion dels joves dins lo mitan del trabalh tras los mestièrs relacionals amb las estacions despòrtivas d’ivèrn e los centres termals qu’existisson dins d’aquel territòri.



Sócis:
- Licèu dels Mestièrs Joseph Marie Jacquard, de Miègjon-Pirenèus es al capdavant d’aquel projècte de cooperacion transfrontalièra
- tres centres d’educacion d’Aragon (IES Siglo XXI de Pedrola, IES Bajo Aragon d’Alcañiz e CPIFP Innovación Pirámide de Huesca).

Tóca:
Sa tòca es endevenir un espèlh per la formacion dels trabalhaires en mestièrs relacionats amb lo torisme rural e los despòrts d’ivèrn dins los Pirinèus.


Premi 2012

Lo prèmi “Joventut” de la CTP 2012 es estat autrejat a l’ “Asociación Navarra Nuevo Futuro” coma cap de fila del projècte LIMITIS FORUM- Los jóvenes proponen soluciones/Les jeunes proposent des solutions/Gazteek irtenbideak proposatzen dituzte.


Aquel projècte menat amb de sòcis de Navarra, Bascoat e Aquitània, (veire pagina Prèmis de la CTP) a las tòcas de sensibilizar la populacion en general a la joventut d’uèi, de desmontar los mites amb la tòca de redusir lo valat entre los joves e lo mond dels adultes. En efièch, LIMITIS FORUM, per mejan de l’organizacion d’un concors de vidèos realizats amb de telefòns mobils, prepausa de dinamizar de grops d’adolescents dins d’espacis d’educacion formala e non formala a l’entorn del tèma de la crisi que patís Euròpa. Fin finala, la celebracion d’una gala permetrà difondre totes los trabalhs e votar per designar los 2 prèmis que seràn autrejats (un per cada costat de la frontièra). Totes los trabalhs dels joves seràn egalament visibles sul web www.espaciokrea.org


Joscargar lo dorsièr de candidatura.


Premi 2011

La CTP a remés dijòus 27 d'octòbre a Tolosa, dins l’encastre del sieu Conselh plenari, los prèmis de la CTP atribuits a projèctes en favor de la collaboracion transpirinenca. Aital, lo prèmi joenessa de la CTP es estat autrejat al Licèu d’ensenhament general e tecnologic agricòla Federico Garcia Lorca de Tesà (Pirenèus orientals) e al licèu Axular de Sant Sebastian (Euskadi) pel sieu «Du pays roussillonnais au pays basque: nos élèves sur les chemins du développement durable». Aquel projècte d’educacion al desvolopament durable met l'accent sus dos tematicas environalas: la gestion de l'aiga e la gestion de la biodiversitat.

Lo projècte s’organiza en divèrsas partidas. Se pausa sus l’organizacion de viatges d'estudi que devon permetre als escolans de descobrir e comprene un autre territòri que lo sieu en particular suls enjòcs ligats al desvolopament durable dels territòris, sus las dimensions istoricas e culturalas dels territòris e sus la mesa en òbra de l'Agenda 21 dins l'establiment partenari. Un film consagrat a la cooperacion serà realizat pendent lo projècte. Las imatges seràn realizadas pels escolans amb lo material del que dispausan los establiments.

Fin finala, dins l’encastre d'aquel projècte, una plataforma collaborativa multimèdia consagrada a la question del desvolopament durable serà desvolopada. La tòca es de dobrir l'accès a aqueles recorses a d'autres establiments escolars del territòri de la CTP, en lor incitant aital a rejontar l'accion.




Edicion 2010

16 candidaturas foguèren despausadas pel Prèmi dels Pirenèus “Joventut” 2010. La jurada del Prèmi dels Pirenèus “Joventut” que s’amassèt lo 18 de març de 2010 seleccionèt coma ganhant de la primièra edicion d’aqueste concors lo projècte “F.A.I.R.E.: Formar A una Insercion professionala Reüssida”. Portat pel licèu Charles Cros de Carcassona (Lengadòc-Rosselhon – França) e l’IES San Lorenzo d’Òsca (Aragon – Espanha), aquesta iniciativa a per objectiu de favorizar l’adaptacion professionala dels liceans dins lo domeni de la restauracion.

Per mai d’informacion sul Prèmi dels Pirenèus 2009, telecargatz:
- lo bilanç de las 16 candidaturas
- la presentacion sintetica del projècte ganhant

                                                   
                                                                                               ***********
 

Prèmis de la CTP “Actors dinamics"


Premi 2012

El prèmi “Forces vives” es estat autrejat al projècte “La lana, vector del renovelament dels ligams istorics, economics e culturals entre los territòris pirenencs: per una renaissença dels rets transfrontalièrs de proximitat e de complementarietat.”






Amb aquel prèmi, la CTP reconeis lo ròtle economic, social, cultural e istoric que pòt aver la Lana dels Pirenèus a travèrs d’un projècte coma lo qu’es estat recompensat. L’objectiu pels partenaris de Miègjorn-Pireneus e d’Aragon es de valorizar la lana dels Pirenèus perque cadun dels actors (elevaire, transformador e crompaire) i tròbe lo sieu compte. Aquò passa per la recèrca de produches desparièrs en podent aver creat en transformant sus plaça los ausses per los valorizar e per aquò far, per una analisi de l’ensemble de la problematica; lo lançament de las experimentacions crosadas de nòus produches e exposicions e fin finala, la mesa en marcha de rets de complementaritat de la nòva filièra transfrontalièra, del circuit de comercializacion, proteccion de l’apelacion d’origina


Premi 2011

 El Tribut de las Tres Vacas, a recebut lo Prèmi «Forças vivas» de la Comunitat de Trabalh dels Pirenèus, en reconeissent aital lo papièr istoric d'aquel pacte transfrontalièr e la siá valor coma patrimòni cultural immaterial. Lo Tribut de las tres vacas (1375) pòt èsser considerat coma lo tractat en vigor lo mai ancian d’Euròpa.

Lo tribut de las tres vacas crèa de ligams talament fòrts entre las municipalitats del Roncal e de Varetons que las relacions van fòrça mai luènh de la ceremònia del Tribut de las 3 vacas. Amb lors pròpris mejans, an bastit, fa 50 ans, una rota transfrontalièra que jonh las 2 valadas e uèi menan, amassa, de projèctes toristics e educatius sul tèma de la nèu.


Edicion 2010

En coeréncia amb las orientacions del Plan d’accions 2009-2011 de la CTP, une atencion particulara es estada portada, a l’ocasion d’aquela edicion, als projectes integrant una aprocha desvolopament durable. Entre las 3 candidaturas depausadas, la Jurada a seleccionat coma laureat, lo « Contract de Rivière du Sègre ». Portat per la Comunautat de Comunas « Pyrénées Cerdagne » (Lengadòc-Rossilhon) e lo Consell Comarcal de la Cerdanya (Catalonha), lo Contract de Riu del Sègre a la particularitat d’èsser menat de biais trasfrontalièr a l’escala d’una unitat geografica, culturala e istorica coerenta : la Cerdanha.

Per mai d’informacions sul Prèmi dels Pirenèus « Forces vives » de 2010:

  Edicion 2009

En 2009, 19 candidaturas se presentèren al Prèmi dels Pirenèus “Fòrças Vivas”. Lo ganhant de l’Edicion 2009 es lo Consòrci Transfrontalièr Bidasoa-Txigundi. Creat en 1998 per las tres municipalitats frontalieras d’Hondarribia, Irun e Endaia, lo Consòrci Bidasoa – Txingudi a concretisat una cooperacion anciana d’una vintena d’anadas e una istòria comuna mai anciana encara. 

Per mai d’informacions sus:

Lo trofèu del Prèmi de la CTP

             
                     

Per encoratjar los joves artistas de son territòri, la CTP lancèt en 2009 un concors alprèp de sas escòlas nacionalas de Bèlas Arts per la realizacion d’un trofèu pels ganhants del prèmi dels Pirenèus.

Lo ganhaire del concors per la realisacion del trofeu del Prèmi dels Pirenèus es l’Escòla de Bèlas Arts de Tolosa l’Escòla de Bèlas Arts de Tolosa.

Dos autras escòlas eran en competicion :  l'Escòla d’Art de Pamplona (Navarra) e l'Escòla d’Art de Corella (Navarra).. 

 

Motor de cèrca

Réchercher







POCTEFA: www.poctefa.eu

POCTEFA: www.poctefa.eu