La Comunautat de Trabalh dels Pirenèus (CTP) e la Region Nouvelle-Aquitaine organizan lo dijous, 9 de novembre de 2017 a Biàrritz lo XXXV Conselh Plenari de la CTP.

Dins lo Conselh Plenari, se presentaran las dralhas principalas de l’estrategia pels Pirenèus ont s’a trabalhat pendent las doas darrièras annadas e que s’activarà en 2018.

Tanben se presentarà una anàlisi de l’estat de desvolopament de las accions de l’Observatòri Pirenenc del Cambiament Climatic (OPCC) qu’inclourà la presentacion de las conclusions del 2n Collòqui internacional sul cambiament climatic dins las zonas de montanha (PYRADAPT 2017) organizat los jorns 7 e 8 de novembre a Biàrritz.  Aquel collòqui, organizat per la CTP a travèrs de son iniciativa Observatòri Pirenenc del Cambiament Climatic (OPCC), a coma objectiu ser un moment de rescontre e intercambi de coneissenças entre la comunautat cientifica e los tecnics de diferentas entitats per actualizar las basas de coneissenças subre l’impacte del cambiament climatic en zonas de montanha e estudiar las estrategias d’adaptacion dels Pirenèus a aquel impacte.

Fin finala, la CTP, dins son ròtle d’autoritat de gestion, presentarà los resultats de la segonda crida de projèctes del Programa de Cooperacion Territoriala Europèa INTERREG V A Espanha-França-Andòrra (POCTEFA 2014-2010).

Aicí, vos podrètz inscriure e consultar lo programa del Conselh Plenari 2017.