Lo projècte pilòt e-Pasto, dins del projècte de cooperacion transfrontalièra AGRIPIR, permetrà que los pastors dels Pirenèus pòscan controtlar los sieus tropèls a distància, dempuèi l’ecran d’un ordenador o gràcias a de dispositius portables coma las tauletas o los smartphones.

Las novèlas tecnologias de l’informacion e la comunicacion (TIC) son a revolucionar l’activitat agroelevaira. Un bon exemple d’aqueles cambiaments es lo projècte pilòt e-Pasto, que visa ajudar als pastors pirenencs al contraròtle dels tropèls. Gràcias a l’emplec de colars dotats amb de sistèmas de geolocalizacion via satellit, se poiràn obténer de donadas sus l’estat de santat dels caps de bestial, e tanben lor emplaçament. Al delà, amb aquel projècte pilòt se vòl tanben trobar la faiçon d’interaccionar amb lo tropèl, per mejan de senhals coma sons, vibracions o d’impulsions electrics, per influir a l’emplaçament del tropèl e lo menar al luòc desirat. Aital s’evitariá l’installacion de barrièras fisicas, en preservant lo païsatge e en estalviant de còstes.

Après una primièra fasa d’experimentacion al Prat d’Albis (Departament de Arièja, a la region Miègjorn-Pirenèus) la segonda fasa d’aquel projècte se desvoloparà en 2014 dins la comarca guipuscoana Urola-Erdia. Pendent aquela segonda fasa se contunharàn de desvolopar los prototipes (colar emissor-receptor e de programas d’interfaça per l’analisi de donadas) e se contunharàn de metre los desparièrs metòdes d’interaccion amb lo tropèl (tipe d’estimulacion, durada e frequéncia).

Lo projècte pilòt e-Pasto es una iniciativa que s’enquadra dins AGRIPIR, un projècte de cooperacion transfrontalièra finançat per FEDER a travèrs de POCTEFA qu’amassa de sòcis bascs, franceses e catalans.

Per mai d’informacion suls projècte AGRIPIR, cachatz aicí.


Fòto: AGRIPIR                                                                                                     Fòto: AGRIPIR