Lo projècte RisqHydro, cosostengut pel Programa Operacional de Cooperacion Territoriala Espanha-França-Andòrra (POCTEFA) 2007-2013, organizèt lo darrièr 25 de setembre a la comuna francesa de Cièrp e Gaud lo Primièr Forum transfrontalièr RisQHydro de prevencion d’inondacions e de gestion dels flumes de montanha
RisqHydro es un projècte transfrontalièr de prevencion d’aigats activat aprèp las inondacions que se passèron en junh de 2013 en Val d’Aran, entre 6 collectius territorials: Conselh Generau du Val d’Aran ; Consell comarcal del Pallars Sobirà ; Consell comarcal del Pallars-Jussà ; Consell comarcal del’Alta Ribargorça ; Consell comarcal de l’Alt Urgell ; Communauté de communes du Canton de Saint Béat.
Pendent la jornada se presentèron los primièrs trabalhs desvolopats pel projècte RisqHydro, s’expausèron los testimònis e expectativas dels residents e usatgièrs de las vias fluvialas (operators d’energia idroelectrica, los actors del torisme, societats d’asseguranças, residents de las zònas atenentas) e se debatèt subre la governabilitat dels bassins idrografics dels flumes de montanha.
Al final de la jornada, se dobriguèt un debat subre l’avenidor del projècte e la possibilitat de bastir un servici local de deteccion d’inondacions gràcias a l’usatge d’etiquetas de la susvelhança d’equips per completar, d’aquel biais, los servicis oficials de prevencion d’inondacions.
Aquel primièr forum dedicat al projècte Risqhydro es estat organizat amb la collaboracion del Patronat de Promocion Economica de la Diputacion de Lhéida, l’ajuda de la region Midi-Pyrénées e lo sostén dels fons europèus recebuts a travèrs del POCTEFA.
