Pampalona aculhirà lo 7 de novembre que ven lo Conselh Plenari de la CTP. Serà lo moment de far un balanç dels dos ans de presidéncia navarresa de la CTP, abans de la transferir a Andòrra, qu’assumirà la presidéncia tre aquel jorn.
En parallel, s’organizarà un seminari sus la cooperacion territoriala e transfrontalièra. Jol lèma “La cooperacion territoriala: d’oportunitats passadas, presentas e futuras” aquel seminari avalorarà l’impacte dels projèctes menats a tèrme dins aqueste espaci transfrontalièr pendent lo periòde de programacion que finaliza totara. S’analisarà tanben l’avenir de la cooperacion territoriala pel periòde 2014-2020.
Plan lèu, suls sits web de la CTP e del POCTEFA s’ofrirà mai d’informacions sul seminari amb lo programa e las modalitats d’inscripcion.
Serà un luòc d’amassada privilegiada pels actors implicats en de projèctes de cooperacion territoriala dins aquel espaci frontalièr. Desmembratz pas d’o nota dins las vòstras agendas!
