Los sèt territòris de la Comunautat de Trabalh dels Pirenèus metèron en scèna son pari per la cooperacion transfrontalièra, realizada en la Declaracion Comuna de Presidents.
Los representants dels sèt territòris que compausan lo Consòrci de la Comunautat de Trabalh dels Pirinèus (CTP) s’acampèron lo 10 de novembre a Bordèu dins lo XXXIV Conselh Plenari de la CTP. Pendent aquel eveniment signèron la Declaracion Comuna de Presidents; un document amb lo qual s’engatjèron a collaborar per depassar las dificultats e redusir los risques del territòri pirenenc, preservar sa riquesa naturala e culturala e desvolopar son potencial economic dins l’espaci transfrontalièr.
Al rescontre, i anèron Alain Rousset, President de la Comunautat de Trabalh dels Pirenèus e President del Conselh Regional de Nouvelle-Aquitaine; Pere Roquet, secretari general de l’Organisme de Cooperacion Transfrontalièra Andorran (OACT); José Luís Soro, conselhièr d’estructuracion del territòri d’Aragon; Albert Castellanos, director general de promocion economica, compenténcia e regulacion de Catalunya; Marian Elorza, secretària generala d’acción exteriora d’Euskadi; Guilaume Cros, vicepresident del Conselh Regional d’Occitaine / Pyrénées-Méditerranée e delegat d’Afaires Europèus e Uxue Barkos, presidenta de Navarra.
Los presents soslinhèron l’importància de la cooperacion entre las regions per Euròpa. La collaboracion entre territòris “explica plan que sèm en Euròpa e quina Euròpa volèm”, assegurèt la presidenta navarresa, Uxue Barkos. Dins la meteissa dralha, Marian Elorza, representant d’Euskadi, soslinhèt que “la cooperacion transfrontalièra es lo melhor exemple de construccion europèa”.
Atal, pendent lo Conselh Plenari de la CTP tanben se reflexionèt subre l’estrategia de la Comunautat de Trabalh dels Pirinèus, que se vòl convertir en lo fuèlh de rota per l’institucion pendent las annadas que vénon. “L’estrategia de la CTP afortirà la coesion territoriala” de las regions de la CTP, assegurèt José Luís Soro, representant d’Aragon. De son costat, Guillaume Cros, vicepresident d’Occitaine / Pyrénées-Méditerranée soslinhèt que “l’estrategia cal que siá coerenta amb las estrategias regionalas”.
Subre lo cambiament climatic, un autre dels subjèctes clau per la CTP, Pere Roquet, representant d’Andòrra, assegurèt que “lo Pirinèu es lo laboratòri apropriat per analizar los efiechs del cambiament climatic e coma nos adaptar”. Dins d’aquel sens, se presentèt, abans de l’intervencion dels representants regionals, l’Observatòri Pirenenc del Cambiament Climatic (OPCC), iniciativa, que nasquèt de la man de la CTP.
La politica lingüistica foguèt un dels aspectes dels que se parlèt pendent la taula redonda, ont participèron los representants de las regions, en especial los de Catalunya e Euskadi. “La politica lingüistica dona la possibilitat d’utilizar lo catalan a totes los ciutadans e las ciutadanas”, soslinhèt Albert Castellanos, representant de Catalunya.
Los representants de los sèt territòris reafirmèron amb aquel eveniment son engatjament amb la Comunautat de Trabalh dels Pirinèus, un projècte comun iniciat fa ja mai de tres decennis que s’a convertit en un actor de primièr òrdre en matèria de cooperacion transfrontalièra al nivèl europeu. Atal, la CTP es l’Autoritat de Gestion del programa europèu de cooperacion transfrontalièra Interreg V-A Espanha-França-Andòrra (POCTEFA 2014-2020). La region Nouvelle-Aquitaine a realizat a mai un bilan de sa primièra annada en la presidéncia, que detendrà fins 2017.
La Comunautat de Trabalh dels Pirinèus es autoritat de gestion del programa europèu Interreg V-A Espanha-França-Andòrra (POCTEFA 2014-2020), coma ja o foguèt del POCTEFA 2007-2013. Pendent aquel an 2016, s’an aprovat 58 projèctes en la 1a crida de projèctes que comptan amb 71,2 millions d’euros del Fons Europèu de Desvolopament Regional (FEDER). La presentacion de la 2a crida de projèctes se realizèt amb un seminari que se debanèt lo 10 de novembre.
