La proposicion presentada a la Comission s’articula a l’entorn de sèt objectius tematics e nòu prioritats d’investiment en los quals se centrarà l’estrategia del Programa futur per la zòna transfrontalièra França-Espanha-Andòrra.
La Comunautat de Trabalh dels Pirinèus (CTP), Autoritat de Gestion del Programa mandèt lo 22 de setembre a la Comission Europèa lo Programa de Cooperacion Territoriala Espanha-França-Andòrra (POCTEFA) 2014-2020 per son aprovacion. La Comission Europèa deurà donar responsa a aquela proposicion abans de tres meses.
Se culmina atal un trabalh de redaccion e preparacion del Programa que comencèt fa doas annadas e ont an cooperat la Comunautat de Trabalh dels Pirenèus, coma Autoritat de Gestion, e lo Comitat de Seguiment, a travèrs del Comitat Pilotatge, entre d’autres organismes. Lo POCTEFA 2014-2020 es estat concebut en linha amb l’Estrategia Euròpa 2020 per una creissença intelligenta, durable e integrador.
La proposicion presentada a la Comission s’articula a l’entorn de sèt objectius tematics e nòu prioritats d’investiment en los quals se centrarà l’estrategia del Programa futur per la zòna transfrontalièra França-Espanha-Andòrra.
Lo budget del POCTEFA 2014-2020 es de 189,3 milions d’euros, ço que supausa una augmentacion de mai del 12% respècte al Programa anterior, POCTEFA 2007-2013. Aquela quantitat se parteja en 177,9 milions d’euros que se repartís entre aquels sèt objectius e 11,4 milions d’euros destinats a l’assisténcia tecnica del Programa. Repartiment del budget entre los objectius tematics (pendent d’aprovacion per la Comission Europèa).
|
Objetiu tematic |
% total |
FEDER (milions €) |
|
Afavorir la recèrca, lo desvolopament tecnologic e l’innovacion |
23% |
40,9 |
|
Melhorar la competitivitat de las PME |
5% |
8,9 |
|
Promòure l’adaptacion al càmbiament climatic e la prevencion e gestion de risques |
16% |
28,5 |
|
Conservar e protegir l’environament e promòure l’eficacitat de las ressorças |
27% |
48 |
|
Promòure lo transpòrt durable e eliminar los obstacles en las infrastructuras de malhums fondamentals |
14% |
24,9 |
|
Promòure la durabilitat e la qualitat en l’emplèc e afavorir la mobilitat del trabalh |
7% |
12,5 |
|
Promòure la inclusion sociala e luchar contra la pauretat e quina que siá discriminacion |
8% |
14,2 |
|
TOTAL |
100% |
177,9 |
NÒTA: L’assisténcia tecnica del Programa compta amb una assignacion de 11,4milions d’Euros.
Lo Programa mandat a la Comission es tanben lo resultat d’un processús participatiu articulat a travèrs de doas consultas publicas qu’an permés amassar, en divèrsas fasas de son elaboracion, las aportacions realizadas per las institucions e los actors del territòri.
Lo Programa prepausat pòt èsser consultat sus www.poctefa.eu. Un còp aprovat per la Comission Europèa, l’Autoritat de Gestion del Programa organizarà una crida de projèctes que s’anonciarà d’avança e a la qual los actors dels dos costats de la frontièra podran presentar sos projèctes de cooperacion transfrontalièra que s’ajústen dins los objectius ja definits.
