Avètz fins al 15 d’octòbre per mandar los vòstres corts metratges al festenal Skimetraje. Skimetraje es un festenal de corts metrages d’esquí e de snowboard dins totas las siás multiplas modalitats, enregistrats dins l’encastre del Pirenèu (francés, navarrés, aragonés, andorran e/o catalan).

Aquela primièra edicion se celèbra los 2 e 3 de novembre al Planetari de Pamplona. L’intrada a las projeccions dels corts metratges es gratuita, mas cal demandar abans l’invitacion.
I aurà una competicion oficiala pels corts metratges de mens de 15 menutas de durada, que se’n premiaràn los 3 melhors, seleccionats per una jurada multidisciplinària e un segond torn de projeccions fòra de competicion, amb de tematicas e de formats mai largs.
Parallèlament sus plaça comptarem amb d’expositors d’stands amb de material e de servicis restacats a l’encastre de l’esquí, dont l’intrada es liura e gratuita.
 
Participa-i! S’as qualque trabalh editat e vòls participar, manda-o a Skimetraje.