Los trabalhs de restauracion e reabilitacion de bastissa barròca de Pitillas conegut coma Ostal Goñi finalizaràn lo junh que ven. La Comunautat de Trabalh dels Pirenèus, a travèrs del POCTEFA a participat als trabalhs de reabilitacion d’aquela bastissa a travèrs del projècte INFOMAT.
 Aquel projècte de cooperacion transfrontalièra, compren l’aplicacion de metodologias innovadoras dins lo domeni de la restauracion de bastissas istoricas en mai de la reabilitacion. A un budgèt global de 1.315.164 èuros e es finançat a 65 per cent per de fonzes europèus FEDER a travèrs del POCTEFA. Es liderat per la Fondacion de Trabalh de la Construccion de Navarra e participan tanben lo Govèrn de Navarra e l’associacion Eskal Eureka, d’Aquitània.

Lo projècte compren, coma pas prealable, lo desvolopament d’una nòva metodologia de trabalh que permeta sistematizar los procèsses constructius en la reabilitacion e mantenença de las bastissas que fan partida del patrimòni, mejançant l’usatge de nòvas metodologias de gestion, de nòus materials de construccion e de tecnicas de mesa en òbra, e un sistèma pedagogic e formatiu especific. Aquela metodologia se materializa coma experiéncia pilòt en la reabilitacion de l’Ostal Goñi, una bastissa barròca del sègle XVIII, proprietat de la Comunautat Forala de Navarra e que se tròba dins lo Catalòg Monumental de Navarra.

Los trabalhs de reabilitacion de l’Ostal Goñi comencèron en novembre d’arunan e es previst que finalizen en junh de 2013. I participan d’escolans de Navarra e d’Aquitània formats prèviament dins la Fondacion de Trabalh de la Construccion Navarresa a comptar d’un plan didactic dessenhat especificament per aquel trabalh. A la fin dels trabalhs s’iniciarà una fasa d’avaloracion de resultats e de còstes qu’indicarà se la metodologia desvolopada es durabla e doncas se pòt portar a la reabilitacion d’autras bastissas.

Projècte INFOMAT