La delegacion èra compausada per l’Engenhaire Nelson Ulloa, Assessor Ministerial dins lo subjècte de los bosques e environament i Coordinator de l’ofici de projèctes de l’Environament, e l’Engenhaire Segio Palacio, Director Nacional del Cambiament Climatic d’Onduras. A l’acamp, i anèt tanben Noelia Jover, consultora del Programa de las Nacions Unidas pel Desvolopament (PNUD).
A Onduras, país que parteja una orografia similara al territòri d’actuacion de l’OPCC –amb un gran massís montanhós-, lo Ministèri de l’Environament es a lançar l’Observatorio Nacional de Cambio Climático para el Desarrollo Sostenible (ONCCDS), qu’es una plataforma de gestion de l’informacion subre variablas ambientalas, per orientar e melhorar la presa de decisions e la capacitat de responsa de la poblacion d’Onduras fàcia a la vulnerabilitat del cambiament climatic. Profechant sa visita en Espanha, los sòcis d’aquela delegacion an volgut conéisser de prèp lo trabalh de l’Observatòri Pirenenc del Cambiament Climatic.
Per Onduras, es enriquidor s’inspirar en iniciativas coma l’OPCC, amb divèrsas annadas de caminament. Del meteis biais, per l’OPCC es interessant establir ligams amb d’autres Observatòris a escala internacionala amb una dobla fin: d’un costat, trabalhar en malhum per partejar metodologias e comparar l’evolucion de divèrses indicatos en diferents ecosistemas de montanha del planeta, çò que permet desvolopar una compreneson globala dels impactes del cambiament climatic; e, d’un autre costat, per armonizar dins l’avenidor una defensa conjunta subre la vulnerabilitat dels territòris de montanha fàcia al cambiament climatic a escalas supranacionalas e supraregionalas.
L’OPCC se manten dins son prepaus de sarrar ligams amb d’autres Observatòris, coma o fa ja a travèrs de la Mountain Research Inciative (MRI), la Convencion dels Alps e lo grop de la Sciéncia de las Carpatas, S4C.
