Mobilitat doça, energias renovelablas, recòlta selectiva de las escobilhas, bilanç carbòn, etc.: l’Eco-guide de las estacions, editat per l’associacion Mountain Riders analisa las accions de 80 estacions francesas e 10 estrangièras en matèria de desvolopament sostenible.
Es la tresena edicion d’aqueste guide (abans titolat “Guide Verd”), ont 40 critèris repartits en sèt tematicas avaluan las estacions: transpòrt, energia, amainatjament, aiga, escobilhas, social e sensibilizacion a l’environament.
Cal notar una progression sensibla del nombre d’estacions qu’an acceptat de jogar le jòc: èran “pas que” 58 l’an passat (55 francesas e 3 estangièras). Dins lo meteis esperit, Moutain Riders sòrt tanben lo primièr Eco-guide del material de montanha, qu’avalua las accions de 21 marcas d’esquí o fabricants de farda del punt de vista de l’eco-concepcion, entre autras causas.
Desbrembem pas enfin la sortida del tresen guide environamental de l’eveniment, destinat a presentar als organizadors d’eveniments las solucions per redusir l’impacte de las sieus manifestacions sus l’environament (amb sièis tèmas abordats: transpòrts, alimentacion, escobilhas, comunicacion, aiga e energia).
Per se procurar lo guide (gratuit)
- Apelatz lo (0033)9 54 66 86 83
- Conectatz-vos sus www.mountain-riders.org (partida environament)
- Consultatz la publicacion en linha.