La Comunautat de Trabalh dels Pirenèus, coma autoritat de gestion del Programa de Cooperacion Territoriala Espanha – França – Andòrra de 2007-2013 es urosa d’anonçar la dubertura d’un segond Apèl a projèctes e convida los actors de nòstre espaci transfrontalièr a presentar lors iniciativas suls diferents aises del Programa. Aquel apèl a projècte es dubert del 1er de febrièr de 2011 al 3 de mai de 2011.
Lo Programa Operacional de cooperacion territoriala Espanha-França-Andòrra es finançat per l’Union europèa per un budgèt total d’environ 168 milions d’Euròs de Fons Europèu de Desvolopament Regional (FEDER). L’envolopa restanta per aquel apèl a projèctes s’enauça a 29,5 milions d’Euròs de FEDER e lo taus d’intervencion del FEDER es establit à nautor de 65% del còst total eligible de las operacions.
A l’escasença d’aquel apèl a projèctes, lo secretariat tecnic conjunt a botat en plaça un forum de discutida ont cadun poirà pausar sas questions que concernisson aquel apèl a projèctes, lo montatge o encara lo seguit de projèctes e sustot ont cadun poirà trobar las responsas que a besonh per crear e far viure son projècte. Podètz accedir al forum dempuèi la pagina d’acuèlh del siti del POCTEFA.
Per tot saber sus aquel novèl apèl a projèctes, rendetz-vos sul siti del POCTEFA, rubrica Apèl a projècte www.poctefa.eu
