La Comission europèa a redigit pendent 2009 un document sul tème de « l’estrategia de l’UE per 2020 » dubert a consultacion publica fins al 15 de genièr de 2010.
L’UE desira lançar aquela estrategia tre debuta 2010 per reviscolar las perspectivas economicas de l’Euròpa.

Dins son programa per la novèla Comission, lo President Barroso a presentat sa vision de l’Union europèa en 2020.

Segon el, la sortida de la crisi deu èsser lo punt de dintrada dins una economia sociala de mercat durable, una economia mai verda e mai intelligenta, dins quina nòstre prosperitat serà lo resultat de nòstres capacitats d’innovacion e d’una melhora utilisacion de nòstres ressorças e ont la coneissença serà un element clau.
A fin de capitar aquela transformacion, l’Euròpa a besonh d’un agendà comun : l’estrategia UE 2020.

Aquela estrategia deu permetre a l’UE de se restablir completament de la crisi tot en accelerant sa conversion cap una economia verda, basada sus la coneissença.

UE 2020 se fondarà suls succèses engraneirats per l’estrategia de Lisbona dempuèi sa relança en 2005, quand s’es concentrada sua la creissença e l’emplèc, tot en remediant tanben a unas de sas flaquesas.

La Comission a l’intencion de presentar una proposicion formala sus l’estrategia UE 2020 en debuta d’annada, en èime d’una adopcion de aquesta pels Caps d’Estat e de governament, al moment de lor reünion a la prima 2010.

Dins l’interval, la Comission sollicita vòstra opinion sus las grandas linhas de la futura estrategia UE 2020.

Informacions praticas

Siti Web