Lo Comitat Regional Occitània de clubs alpins organiza un collòqui subre los refugis pirenencs los jorns 1 e 2 de desembre de 2016 a Bagnères-de Luchon.
Lo Comitat Regional Occitània de clubs alpins organiza un collòqui subre los refugis pirenencs los jorns 1 e 2 de desembre de 2016 a Bagnères-de Luchon. Aquel collòqui nais de la volontat de dinamizar l’afluéncia de visitants e la promocion dels refugis pirenencs, per realizar atal un bilanç de la situacion e afirmar sa foncion en las politicas de desvolopament toristic territorial.
Per la CTP, s’agís d’una iniciativa unificadora qu’interessa a l’ensemble del massís pirenenc. Los objèctius d’aquel collòqui son:
- Far conéisser las contribucions dels refugis a la projeccion del massís pirenenc dins los territòris de França, Espanha e Andòrra;
- Promòure los refugis pirenencs al nivèl nacional e internacional: “sens los refugis, la nauta montanha es inaccessibla”;
- Dinamizar l’afluéncia de visitants: adaptar l’ofèrta de lotjament a la demanda de clients novèls e la promòure;
- Melhorar la visibilitat de l’ofèrta dels refugis per far fàcia a l’evolucion de la demanda e a las limitacions especificas d’aquel tipe de lotjaments toristics;
- Soslinhar lo potencial del refugi dins lo desvolopament de las activitats estivencas e ivernencas complementàrias als espòrts d’ivèrn practicats dins las estacions d’esquí.
Aquel rescontre es una oportunitat unica de rescontre de totes los actors pirenencs a travèrs de talhièrs. L’inscripcion es obligatòria e se pot realizar fins lo 14 de novembre en son web.
1refugios.pdf
