Lo darrièr 7 de novembre se debanèt a Pampaluna lo XXXI Conselh Plenari de la CTP. Pendent lo conselh i aguèt lo cambi de presidéncia de la CTP, que passèt a l’Organisme Andorran de Cooperacion Transfrontalièra aprèp dos ans de presidéncia de Navarra.
Ongan s’es fach lo balanç dels dos ans de presidéncia de Navarra de la CTP, abans de la transferir a l’Organisme Andorran de Cooperacion Transfrontalièra, que n’assumirà la presidéncia pendent los dos ans que vénon. Totes los territòris an reconegut e mercejat al Govèrn de Navarra per son trabalh de 2 ans de presidéncia (legir e telecargar aicí Informe Comunautat de Trabalh dels Pirenèus 2011-2013. Presidéncia de Navarra).
Las autoritats dels uèch territòris an signat una declaracion comuna ont inscrivon l’estrategia per l’avenidor de la CTP e sas accions dins l’estrategia Euròpa 2020.
Legir la Declaracion comuna.
S’es anonciat tanben pendent lo Conselh Plenari lo supòrt dels Estats espanhòl e francés a la candidatura de la CTP per Autoritat de gestion del Programa Operatiu de Cooperacion Territoriala Espanha-França-Andòrra dins lo periòde 2014-2020. S’agís d’un pas fòrça important per la CTP cap un dels objèctius estrategics vers l’avenidor.