L’eveniment s’enquadra dins l’escambi d’experiéncias e dins la volontat de crear de sinergias entre los dos projèctes transfrontalièrs qu’an la tòca d’estudiar los efèctes del cambiament climatic dins la zòna pirenenca. La collaboracion es naturala, pr’amor que qualques sòcis son comuns e l’escambi d’informacion suls airals d’especializacion serà quicòn de profiechós pels dos. Cal remembrar que FLUXPYR, e tanplan l’OPCC, son dos projèctes cofinançats a 65% per de fons FEDER per mejan del programa POCTEFA.
Las jornadas amassaràn d’expèrts europèus multidisciplinaris dins los camps de la meteorologia, l’agronomia, l’ecologia, la fisica, la botanica, la teledeteccion, l’educacion, la politica, lo desvolopament rural, la conservacion de la biodiversitat, eca., e estimularà l’escambi de coneissenças e d’idèas novèlas entre los participaires, comptarà lo 6 de junh amb quatre taulas redonas sul cambiament climatic dins los Pirenèus que seràn dobèrtas a un public ample. Vos podètz inscriure a aquestas jornadas sul sit web.