del 11 de genièr al 28 de febrièr de 2010
Miègjorn-Pirenèus
Lançadas en 2006 per la Region Miègjorn-Pirenèus, las Jornadas Natura son l’ocasion de mobilisar los abitants de 8 despartaments del territòri regional al torn de las questions d’environament e de desvolopament durable.

Es aital que cada annada, a la debuta del mes de junh, de portaires de projècte benevòls organisan als quatre cunhs del territòri Miègjorn-Pirenèus de las animacions dins la tòca de sensibilisar lo grand public a la preservacion de l’environament e a la descobèrta del patrimòni natural.

Escorregudas, exposicions fotòs, rencontres e obradors… son tant de rendètz-vos prepausats a l’atencion de pichons coma de grands !

En 2009, pas mens de 1500 animacions son estadas organisadas en Miègjorn-Pirenèus dins lo quadre de las Jornadas Natura.
Per 2010, las Jornadas Natura vos donan rendètz-vos del 29 de mai al 6 de junh sus l’ensem del territòri de Miègjorn-Pirenèus.

Per totis los que desiran contribuir a la 5e edicion d’aquel eveniment, es possible d’inscriure vòstras animacions sul siti de las Jornadas Natura del 11 de genièr al 28 de febrièr de 2010.

A l’ocasion de la Presidéncia Miègjorn-Pirenèus de la Comunautat de Travalh de Pirenèus, aquela manifestacion pòt èsser una oportunitat per prepausar d’animacions transfrontalièras en collaboracion amb d’actors concernats pels Pirenèus !

Informacions praticas

Inscripcions