Vous êtes ici : Actualités : Retour

Actualités

Bilanç de 2017 e objectius per 2018: una annada de mai depassant frontièras

17-01-2018

Comença una novèla annada d’activitat de cooperacion transfrontalièra dins los Pirenèus: una novèla presidéncia, la resolucion definitiva e organizacion de 62 novèls projèctes POCTEFA e tot tipe de seminaris, jornadas e eveniments per promòure lo desvolopament de la region pirenenca.

Bilanç de 2017 e objectius per 2018: una annada de mai depassant frontièras 2017 es estada una annada plan significativa per la Comunautat de Trabalh dels Pirenèus.  Fa 35 annadas de sa creacion, en 1983, coma un organisme que voliá dotar la zona pirenenca d’una estructura de cooperacion transfrontalièra similara a las existentas en d’autras frontièras europèas.  Mai de tres decennias ont la CTP a trabalhat pel desvolopament economic e social del massís pirenenc, tenent en compte sos desfisses e preservant sas riquesas.

En aquel acabat 2017, a mai, lo torn de presidéncia de la CTP a passat de Nouvelle Aquitaine a la comunautat autonoma d’Aragón.  Pendent las doas annadas que vénon, serà lo govèrn d’Aragon qu’aurà la presidéncia e Javier Lambán, president del govèrn d’Aragón, qui ocuparà la plaça de president de la CTP per sosténer la cooperacion transpirenenca.  Atal, s’es designat un novèl secretari general, Antonio Pascual Piazuelo, que gerirà la secretaria generala de la CTP, pendent la presidéncia de la comunitat autonoma d’Aragón.

Dins lo darrièr Conselh Plenari annal de la CTP, debanat a Biàrritz, lo comitat de programacion del POCTEFA 2014-2020 adoptèt la resolucion provisòria de la segonda crida d’aquel programa.  62 projèctes de cooperacion transfrontalièra e 71,2 milions d’euros del Fons Europèu de Desvolopament Regional (FEDER) s’adoptèron provisoriament, e serà plan lèu quand aguèm lo plasèr de publicar la resolucion definitiva e començar a trabalhar amb los beneficiaris.  Aquels 62 projèctes constituisson lo 40% dels fons del POCTEFA 2014-2020, qu’al costat dels projèctes programats dins la 1a crida fan lo 80% dels fons FEDER per la periòde qu’acabarà en 2020.

Quin avenidor pel 2018?

Plan segur, la programacion definitiva de la segonda crida de projèctes del POCTEFA 2014-2020, mas pas sonque aquò.  L’annada que debuta seguirem a trabalhar perquè las frontièras de la nòstra region, tan rica i divèrsa, entraïnen pas d’obstacles pel desvolopament.  Melhorar la qualitat de vida dels ciutadans del territòri, reforçar l’integracion, desvolopar los escambis economics e socials, promòure l’innovacion, la cooperacion e lo saber del patrimòni cultural e natural son sonque quauquns dels nòstres principals objectius.  Dins d’aquela annada 2018, la CTP contunharà son trabalh per bastir una Estrategia Pirenenca qu’ajude a capitar aquels objectius.

Vos convidam a vos entre-senhar de tota nòstra activitat a travèrs dels nòstres bulletins d’informacion (newletters del POCTEFA e la CTP) e lo nòstre malhum social (Facebook e Twitter).

Bona annada e per plen de projèctes de cooperacion.

 

Jean-Louis Valls

Director de la Comunautat de Trabalh dels Pirenèus


 
 

Moteur de recherche

Réchercher







POCTEFA: www.poctefa.eu

POCTEFA: www.poctefa.eu