Vous êtes ici : Actualités : Retour

Actualités

Nouvelle-Aquitaine aculhís lo XXXV Conselh Plenari de la CTP

15-11-2017

Los representants dels territòris de la Comunautat de Trabalh dels Pirinèus metèron en scèna son pariatge per la cooperacion transfrontalièra, realizada en la Declaracion Comuna de Presidents.

Nouvelle-Aquitaine aculhís lo XXXV Conselh Plenari de la CTPLos representants dels territòris que constituisson lo Consòrci de la Comunautat de Trabalh dels Pirinèus (CTP) s’acampèron lo 9 de novembre en Biàrritz dins lo XXXV Conselh Plenari de la CTP. Pendent aquel eveniment, signèron la Declaracion Comuna de Presidents; un document amb lo qual s’engatjèron a collaborar per depassar las dificultats e redusir los risques del territòri pirenenc, preservar sa riquesa naturala e culturala e desvolopar son potencial economic dins l’espaci transfrontalièr. La conservacion del patrimòni natural es una autra de sas missions, representada per l’Observatòri Pirenenc del Cambiament Climatic (OPCC).  Aquel observatòri fa partida de la Comunautat de Trabalh dels Pirenèus e presentèt l’estat de desvolopament de sas accions dins l’encastre del Plenari.

A l’eveniment, i assistiguèron Alain Rousset, President fins a la data de la Comunautat de Trabalh dels Pirenèus e President del Conselh Regional de Nouvelle-Aquitaine, Pere Roquet, secretari general de l’Organisme de Cooperacion Transfrontalièra Andorran (OACT), Javier Lambán, president d’Aragon e novèl president de la Comunautat de Trabalh dels Pirenèus, Marian Elorza, secretària generala d’Accion Exterior del Bascoat, Pascale Peraldi, Conselhièra Regionala d’Occitània/Pirenèus-Mediterranea e Ana Ollo Hualde, Conselhièra de Relacions Ciutadanas e Institucionalas de Navarra.

La CTP presentèt las grandas dralhas de l’estrategia dels Pirenèus, document qu’establís lo camin a seguir per las cinc annadas que venon, e ont a trabalhat Nouvelle-Aquitaine amb la resta de sòcis de la CTP pendent sas dóas annadas de presidéncia e qu’Aragon se cargarà de lançar.

L’Observatòri Pirenenc de Cambiament Climatic (OPCC), a mai, organizèt los jorns 7 e 8 de novembre en Biàrritz lo 2n collòqui internacional subre cambiament climatic en zonas de montanha (PYRADAPT 2017), las conclusions del qual se donèron a conéisser dins lo plenari del jorn 9.

Dins lo Plenari, se presentèron tanben los resultats de la programacion de la 2a crida de projèctes del programa Interreg V-A Espanha-França-Andòrra (POCTEFA 2014-2020) qu’es gerit per la CTP: 62 projèctes en la 2a crida de projèctes que comptan amb 71,2 millions d’euros del Fons Europèu de Desvolopament Regional (FEDER).  Aquò addicionat als projèctes programats dins la 1a crida entraïna lo 80% de tot lo FEDER pel periòde 2014-2020.  Consulta la resolucion provisionala de projèctes programats aquí: https://www.poctefa.eu/convocatorias/2a-convocatoria/proyectos-programados-2/


 
 

Moteur de recherche

Réchercher







POCTEFA: www.poctefa.eu

POCTEFA: www.poctefa.eu